Zaharberritze lanak joan den udaren amaieran hasi ziren eta 103 metro koadroko azalaren gainean burutu dituzte. Bost bulego, harrera eta administrazio gunea eta itxarote gela ditu egoitzak eta bertan bost lagunek egingo dute lan, erabiltzaileei arreta zuzena eskaintzeko. "Besteak beste, informazio, orientazio eta aholkularitza zerbitzua, diagnostikoak egitea, diru laguntzak (OE, GLL, AEL), familia eta gazteekin gizarte alorrean esku-hartzeko zerbitzua, etxez etxeko laguntza zerbitzua eta abar eskainiko dituzte“, Elena Coria Gizarte Zerbitzuen arduradunak azaldu duenez. Harremanetan jartzeko telefono zenbakia 944 660 130 da. Egoitza berriaren inbertsioa 238.000 eurokoa izan da eta horietatik 230.000 euro lanak egiteko izan dira eta 8.000 euro altzarietarako eta ekipamendurako.
Urte Alaiak elkartea
Getxoko Andra Mari Nagusien elkartea-Urte Alaiak nagusien egoitza —Gizarte Zerbitzuen bulegoaren ondoan dagoena— gestionatzen duen taldeak oso positibotzat jo du zaharberritzea, berairentzat ere onurak ekarriko dituelako, hemendik aurrera euren jardueretako batzuk egiteko erabilera anitzeko gela edukiko baitute. Elkarteak aisialdi jarduerak antolatzen ditu Udalarekin sinatuta duen hitzarmen baten bitartez. Horren bidez, 2009an 3.000 euro jaso zituen. Bere ekitaldien artean hainbat txapelketa, bingoa, yoga, tai-jia, tailerrak, hitzaldiak eta txangoak daude. Elkarteko ordezkariak oso pozik agertu dira erreformarekin, “jarduerak hobeto aurrera eraman ahal izatea ahalbidetuko baitu”.
Getxoko Udalaren Gizarte Zerbitzuek zabaldutako egoitza berrian asteazken honetan, otsailak 24, hasiko dira herritarrak hartzen, gaur goizean, horren aurkezpenean Imanol Landak alkateak ezagutzera eman duenez. Urduña kaleko 16 zenbakian dago kokatuta eta Getxo aldeko 15.000 bat bizilaguni emango die zerbitzua, bertan egindako zaharberritze lanak amaitu ondoren. Inaugurazio berri hori duela bi hilabete, joan den abenduan, Algortako eta Neguriko herritarrak artatzeko Urgull kalean, Algortako azokatik gertu, zabaldutako egoitzaren irekieraren ondoren heldu da, tokiko agintariak nabarmendu duenez. Aurretik Itzubaltzeta / Romoko egoitza ere jarri zuten martxan. Tokiz aldatzearekin, orain arte Martikoena kaleko udal egoitzan eskaintzen zituzten zerbitzuak Getxoko herritarrengana hurbiltzeaz gain, "Udala aurrera eramaten ari den eta Gizarte Zerbitzuen Legeak eskatzen duen deszentralizazio, modernizazio eta hurbilpen prozesuak ere aurrera egiten du, herritarren zerbitzurako martxan jartzen diren mota honetako proiektuak Getxon bultzatzen ari garen modernizazio prozesuko parte ere direlako; eta ez soilik proiektu handiak, Getxo Antzokia berria, Kultur Etxea edo metroaren lurperatzea bezalakoak", gaineratu du Landak. Argazkian, Coria eta Landa bulego berriaren aurrean / © Getxo.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun