Gaur iluntzean 235 lagun inguruk egin dute manifestazioa Algortako kaleetan zehar, Enrique Noya "Kini" eta Urko Izagirre "Bosnio" herrikideen atxiloketak salatzeko. Goizez zein arratsaldez medikuarekin egoteko aukera izan dute bi algortarrek, Uribe Kostako Amnistiaren Aldeko Mugimenduak etxekoen ahotik jakinarazi duenez. "Oso urduri zeuden eta botika ere eman diote Urkori", azaldu dutenez. Izan ere, atxilotu aurretik sendagairen bat hartzen zebilen Izagirre eta medikua agertu denean eskatu egin dio. Abokatuak eskatuta, Algortako bi lagunei tortura ekiditeko protokoloa deritzona ezartzea onartu du Fernando Andreu Auzitegi Nazionaleko epaileak. Halere, hori "tortura saihesteko nahikoa ez" dela ohartarazi du AAMk. Ostiralera bitartean, egunero izango dira mobilizazioak Algortan, 20:00etan, Telletxen, "inkomunikazioak tortura bermatzen duelako". Argazkian, gaurko manifestazioa Algortan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun