Algortako Bertsolari Eskolak (ALBE) antolatuta, larunbat honetan, otsailak 27, bederatzigarren urtez egongo da jokoan Abra Saria. Aurrekoetan bezala, Euskal Herri osotik etorritako sei bertsolari gazte arituko dira norgehiagokan, aurtengo txapela lortzeko. Saioa 19:00etan abiatuko dute, Algortako kultur etxean, Villamonten. Bertsolari belaunaldi berriei bultzada ematea du helburu lehiaketak. Hala ere, "aurten parte hartuko duten bertsolariek, eskarmentu handia daukate herrialdeetako eta Euskal Herriko eskolartekoetan, eta ziur gaude, zeresana emango dutela gerora", ALBEko lagunek nabarmendu dutenez. Jone Uria Albizuri algortarra izango da Uribe Kosta eskualdeko ordezkaria eta iaz Maddalen Arzallus Antia bertsolari lapurtarrak eramandako txapela berreskuratzea izango da bere lana. Horretarako, Peio Ormazabal (Arrigorriaga), Amaia Iturriotz (Urretxu), Saioa Alkaiza (Antsoain), Ekaitz Samaniego (Gasteiz) eta Ane Labakarekin (Lasarte) jokatu beharko du Uriak. Argazkian, Maddalen Arzallus iazko txapela jantzita.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun