Leioako Udalaren laguntzaz, 2.500 kilo elikagai (arroza, pasta, azukrea, dilistak, atuna eta sardinak oliotan...) batzea lortu du aurten Faht Sahararen aldeko tokiko elkarteak. Joan den larunbatean Gasteiztik abiatu zen Sahararen aldeko VI. Euskal Karabana solidarioak Tindoufeko (Algeria) errefuxiatu kanpamentuetan pairatzen ari diren eskasiari aurre egiten laguntzea du helburu. Ikastetxe leioaztarretan batzen ibili dira jakiak, baita Eroski hipermerkatuan eta Lamiakoko Aliprox dendan ere. Horretaz gain, karabanan material ugari (ordenagailuak, ikasmateriala, kirol arropak eta uniformeak, parte hartzeko jokoak eta sukaldeko materiala, besteak beste) bidali dute “Bigarren aukera” izeneko egitasmorako. Fath elkarteak eta Leioako Udalak hainbat urte daramatzate adingabekoen errehabilitazio zentroa horrekin elkarlanean. Orotara, 50.000 euroko diru laguntza eman du tokiko erakundeak, aipatu errehabilitazio zentrorako, karabanarako kamioak eta jakiak erosteko eta Getxoko Atfal elkartearekin batera proiektatzen ari diren elbarrien zentrorako. Argazkian, gamelu lasterketa errefuxiatuen kanpamentu batean / cc-by-sa Saharauiak.
"Beti bezala, aurten ere leioaztarren parte hartzea baikorra izan da. Datuak adierazten duten bezala, Leioak oso jarrera baikorra du kanpaina honekin, bere hasieratik, sei urte hauetan, ia hiru tona janari biltzea lortu duelako herriak", adierazi dute udal iturriek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun