Athletic eta Paraguayren arteko partidarako 500 sarrera banatuko ditu Getxoko Udalak
Getxoko Udalak ikastetxe eta kirol kluben artean banatu ditu, asteazken honetan (martxoak 3), Athleticek eta Paraguayko selekzioak Bizkaiko oinarri-futbola sustatzeko jokatuko duten partidarako 500 sarrera. Getxo Kirolak erakundearen bitartez, ikastetxe banari 20 sarrera eman dizkio tokiko erakundeak, zozketa bidez, 10 neska ala mutila, beren aitarekin edo amarekin, San Mamesen 19:00etan jokatuko duten partidara joan ahal izateko. Beste 100 ticket kirol anitzeko jardueran parte hartzen duten ikasleen artean banatu dituzte eta, gainontzekoak, udalerriko kirol klubei, batez ere futbolekoei. Bestalde, Bizkaiko Futbol Federazioak mila sarrera baino gehiago eman dizkie Getxoko futbol taldeei, saltzeko. Iturgitxik ehun txartel ditu; Romok eta Arenasek 300; Getxok 200; Bizkerrek 250; Galeak 150, Negurik 70 eta Arraultzaldeonek 50. Argazkian, festa giroa San Mames inguruan / cc-by-sa Birasuegi.
Gogoratu, Bizkaiko Foru Aldundiak partidarako beste 10.000 sarrera erosi dituela Eskola Kiroleko futbol 5, 7 eta 11 modalitatetan parte hartzen duten lurraldeko 700 kluben eta ikastetxeen artean banatzeko. Horiek lortu nahi dituzten entitate guztiek, bihar, asteartera arteko epea edukiko dute Eskola Kiroleko bulegoan, Bilboko Jose Maria Escuza kaleko 16 zenbakian eskuratzeko. Ekimenaren helburu nagusia Bizkaian oinarri-futbola sustatzea da eta, horregatik, Athletic eta Paraguayren arteko partidaren sarrerekin bilduko den dirua Bizkaiko kluben artean banatuko da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun