Trebakuntza prozesu osoa 4 ziklotan egituratzen da, eta elkarren segidako 4 urtetan garatzen da. Lehenengo urtean, amaierako ebaluazioa positiboa bada, enpresek kalitatearekin konpromisoaren bereizgarria jasotzen dute. Ondorengo hiru urtetan trebakuntzarekin eta ebaluazioarekin jarraituko dute, bereizgarria berriro lortzeko, apurka-apurka exijentzia maila gehituz. Aldi horretan, enpresek trebakuntza saioak, sustatzeko laguntza teknikoa eta ebaluazioa egiteko bisitak izango dituzte.
Horrekin batera, lehenengo zikloaren amaieran, Turismoko Kalitate Mahaia sortu eta martxan jarriko da: elkarlanerako topagune publiko-pribatua izango da, non ekimenak sortu, proposamenak egin, problematikak azaldu eta horiei guztiei soluzioak bilatzen saiatuko den. Gutxienez, urtean bitan bilduko da eta Turismo zinegotziak, udal teknikariek, tokiko erakundeko beste hainbat langilek (gaiak tratatzeko beharrezkoa denean), azpisektore turistikoen ordezkariek (ostalaritza, sukaldaritza, tabernak eta kafetegiak, baliabide turistikoak, turismo aktiboa eta beste batzuk) eta gainontzeko erakundetako ordezkariek (Basquetour, Euskalit, Bizkaiko Foru Aldundia…) osatuko dute.
SICTED
Turismoko Kalitatearen Sistema Integrala (SICTED) Basquetourrek, Eusko Jaurlaritzako Turismoaren Euskal Agentziak, eta Bikaintasunerako Euskal Fundazioak, Euskalitek, zuzentzen dute. Sistema horren tresna nagusiak dira Jardunbide Egokien Eskuliburuak: kudeaketa eta zerbitzuen estandarrak biltzen dituzten dokumentuak, enpresen eta zerbitzu turistikoen kudeatzaileei apurka-apurka kalitatearen esparruan sartzen errazten dizkietenak. Halaber, jokaera gida ematen zaie, ondoren, ziurtagiri sisteman sartu ahal izateko, esaterako Q turistikoa. Gaur egun SICTEDek 27 eskuliburu ditu beste hainbeste azpisektoreentzat.
Turismoko Kalitatearen Sistema Integrala (SICTED) martxan jarri du Getxoko Udalak, sektore turistikoa profesionalizatu eta bertoko enpresa esparrua indartzeko asmoz. Tokiko iturriek zabaldu dutenez, helburua da "establezimendu eta negozio turistikoetan kudeaketaren zorroztasuna indartzea, jomuga turistiko osoan eskaintzen diren zerbitzuen kalitatea hobetuko delarik, era berean, bezeroen gogobetetze maila hobetzearekin batera". Halaber, eta "jomuga kontzientzia" hartzeko asmoz, kudeaketa turistikorako egitura iraunkorra sortuko da, hots, Turismo Mahaia edo Kalitate Turistikoaren Mahaia. Ekimena sektoreko Getxoko enpresei aurkeztu zieten otsailaren 11an egin zen informazio jardunaldian (bertan establezimenduetako 22 ordezkari izan ziren). Ondoren, 30 enpresek izena eman dute eta parte hartzen ari dira jada trebakuntza programan (Euskalitek eta Basquetourrek, ekimena zuzentzen duten erakundeek, onartzen duten kopuru handiena). Tartean ostalaritza, sukaldaritza, tabernak eta kafetegiak, baliabide turistikoak, turismo aktiboa eta beste batzuk daude. Turismoko Kalitatearekin konpromisoaren bereizgarria lortzeko prozesua iraila arte luzatuko da eta errekonozimenduak emateko ekitaldia urrirako aurreikusi da. Argazkian, Aitor Soloeta Turismo zinegotzia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun