Paul Bilbao (Algorta, 1971) Hizkuntz Eskubideen Behatokiko zuzendaria da 2004tik gaur egunera arte. Proiektu horretan sorreratik jardun izan du. Euskal Filologian lizentziaduna da Bilbao eta hizkuntza-plangintzan eta giza eskubideetan graduondokoak ditu.
Xabier Mendigurenen gidaritzapean, hamabi urte hauetan Kontseiluak euskalgintza batzea eta erreferentzia izatea lortu ditu. Urte hauetan, Kontseiluak eremu sozio-ekonomikoan lan egin du, baita administrazioekin elkarlana bultzatu ere. Hizkuntza-eskubideen sozializazioan egindako ekarpena ere handia izan da. Funtsean, euskararen normalizazioa bizi sozialaren eremu ezberdinetan zabaltzea eta aktibatzea lortu da.
Xabier Mendigurenek "egindako lan eskerga aintzat hartuta eta oinarri sendoarekin hasiko da Paul Bilbao" Kontseiluko idazkari nagusi lanean, Kontseiluak berak gogoratu duenez.
Paul Bilbao algortarra Kontseilua euskalgintzako erakundearen idazkari nagusia izateko proposatu dute. Izan ere, Kontseiluak berak jakinarazi duenez, Xabier Mendiguren Bereziartu izan da sortu zenetik, hamabi urtez, Euskararen Gizarte Erakundeen Kontseiluko idazkari nagusia. Mendigurenek aurten erretiroa hartuko duenez, Kontseiluko zuzendaritzak Paul Bilbao Hizkuntz Eskubideen Behatokiko zuzendaria bere ordezkoa izateko proposatzea erabaki du. Azken hitza, baina, Kontseiluko bazkideek izango dute apirilaren 24an egingo duten Batzar Orokorrean. Kontseiluko Zuzendaritzaren erabakia berretsiz gero, egun horretatik aurrera Paul Bilbaok (ezkerrean) hartuko du Xabier Mendigurenen ardura. Argazkia: © Kontseilua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun