Beste hainbat ekitaldi antolatu dituzte Plentzian:
- Martxoaren 9an, asteartea, tarta eta tortilla lehiaketa, batzokian, 18:00etan.
- Martxoaren 10ean, asteazkena, “Testamento vital” hitzaldia Sara Pasamar abokatuaren eskutik, Goñi Portalen.
- Martxoaren 11n, osteguna, “Zure lan eskubideak ezagutzen dituzu?” aholkularitza irekia Astillero plazan, 17:30etik 19:30era. Aldez aurretik triptiko batzuk banatuko dira.
- Martxoaren 17an, asteazkena, Bilboko Arte Ederretako Museora bisita gidatua (euskaraz), genero ikuspuntutik, 18:00etan.
Emakumeen Egunaren inguruan hainbat ekitaldi izango dira Gorlizen eta Plentzian
Martxoaren 8ko Emakumeen Nazioarteko Egunaren harira, larunbat eta igande honetan, Denon Islada-Art elkartearen mostra hartuko du Gorlizko erakusketa aretoak, 12:00etatik 14:00etara bitarteko ordutegian. Astelehenean, berriz, errezitaldi poetiko musikala izango da 19:00etan udaletxeko batzar aretoan. Amaia Miranda gitarra-joleak eta Isabel Gezuraga olerkari-esatariak eskainiko dute emanaldia. Bitartean, Plentzian, genero ikuspunturik, bisita gidatua egingo dute Bilboko Arte Ederretako Museora, bihar bertan. Hitzordua 18:00etan jarri dute. Ostiralean, berriz, Bilboko Arkeologia Museora egingo dute bisita, 12:00etan. Larunbatean, bazkaria izango dute emakume plentziarrek. Izena emateko 946 775 031 telefono zenbakira deitu beharko dute joan nahi dutenek. Eta, astelehenean, Emakumeen Nazioarteko Egunean, emakumeen arteko mintzaldia izango da, Goñi Portal kultur etxean, 18:00etatik aurrera. Argazkian, emakumeen aldeko horma-irudia / © Plentzia.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun