Getxoko enpresarientzat sortutako ekintzaileen klubak bihar izango du lehenengo bilera Algortan

Getxolan zerbitzuaren bidez, "Ekintzaileen kluba” izeneko ekimena abian jartzeko batzarra deitu du Getxoko Udalak. "Getxoko enpresarientzako elkargune gisa balio izango du, horren bidez, gaien araberako egutegia ezartzeko", udal iturriek adierazi dutenez. Bilera ostegun honetan, martxoak 4, egingo dute Algortako gaztelekuan, Urgull kalean dagoen udal eraikinaren hirugarren solairuan, 14:30ean. “Ekintzaileen kluba” lehenengo urratsa da parte-hartzea bultzatzeko eta talde horrentzat interesa duten ekimenak antolatzeko. Bilera horietan gai bat azalduko da, eta, gero, bertara bildutakoek gaiari buruz eztabaidatuko dute. Parte hartzea Getxo udalerriko edozein enpresari irekita dago. Argazkian, gaztelekuan egingo dute batzarra.