Haur eskolan izena emateko epe berria zabaldu du Sopelako Udalak, tokien %60 bete arte. Zaldu sektoreko Antzar Portu kalean dagoen zentroa zabalik dago jada, otsailaren 15etik. Haurren lehen matrikulazio prozesuaren aurreneko fasea azaroan egin zen. Matrikulazioaren bigarren fasea berriz, urtarrilean egin zen (hilaren 29ra arte). Hartara, Sopelako haur eskolak otsailaren 15ean hasi zuen bere jarduera, lehen fasean izen eman zuten umeekin. Bigarren fasean izen eman duten haurrak martxoaren 1ean gehituko zaizkie. Zentroak solairu bakarra dauka eta bere azalera osoa 764 metro koadrokoa da, zortzi gelatan banatuta. Horietako lau daude 0 eta urte bateko haurrei zuzenduta eta beste lauak urte bateko eta 2 urte bitarteko umeei zuzenduta. Gainera, jolasetarako eremua du, komun-aldagela, erabilera anitzerako zonaldea, biltegia eta administrazio gunea. Argazkian, haur eskola / © Joseba Zubiaur - Sopelako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun