Emakumeen elkarteek albisteen eta beraien adierazpenaren jarraipena ere egingo dute, Eigurenek aipatu duenez. Gainera, oraintxu gai berberari buruzko tailerra egiten ari da Getxoko Emakumeentzako Jabekuntza Eskolan, partaidetza handiarekin. Laburbilduta, “denon artean erakargarria izatea espero dugun egitaraua prestatu dugu, eta helburua da hedabideen jokabideari buruzko hausnarketa genero ikuspegitik egitea eta emakumeen eta gizonen berdintasunaren alde beraien esku hartze beharrezkoaz kontzientziatzea”, azaldu du Berdintasun zinegotziak. Aldi berean, antolatutako ekitaldietan parte hartzera gonbidatu ditu getxoztar guztiak. Azkenik, Eigunerek aipatu du otsaileko udal batzarrean aho batez onartu zela, martxoaren 8aren gaineko agiri instituzionala. “Oraingo konpromisoa berdintasunaren aldeko eta indarkeriaren kontrako tokiko politikak indartzea da, bereziki neska gazteen eta nerabeen jabekuntza eta partaidetza sustatzeko, beraien helburu guztiak lortze aldera”, azaldu duenez.
Gainera, udalerriko emakumeen elkarteek beste jarduera batzuk ere antolatu dituzte Itzubaltzeta / Romon eta Areetan, horien artean, hainbat hitzaldi eta antzezpen bat.
Martxoak 4, osteguna
Gizatiar.
Hizlaria: Yolanda Nuñez (Enclave).
Gaia: Bikote modernoen estrategiak
18:00etan, Itzubaltzeta / Romoko kultur etxean. Sarrera librea.
Martxoak 11, osteguna
Gizatiar.
Hizlaria: Emilia Cortes Dual.
Gaia: Emakume ijitoak aurrera egiten.
18:00etan, Itzubaltzeta / Romoko kultur etxean. Sarrera librea.
Martxoak 13, larunbata
Eskuz-esku.
Antzerkia: "Las entretenidas", Miguel Miura.
Eskus-eskuko antzerki taldea.
19:00etan, Areetako Andres Isasi Musika Eskolan.
Villamonteko Kultur Etxea
Martxoak 18, osteguna
Gizatiar.
Hizlaria: Ana Robador.
Gaia: Emakumeak eta krisia.
18:00etan, Itzubaltzeta / Romoko kultur etxean. Sarrera librea.
“Komunikabideetan sexismorik ez” izango da, martxoaren 8ko Emakumeen Nazioarteko Eguna dela eta, Getxo udalerrian izango diren hainbat ekitaldiren aurtengo leloa. Berdintasun Zerbitzuak eta emakumeen elkarteek antolatuta, hausnarketa gaien artean egongo da, batetik, emakumeen kontrako indarkeriari buruzko informazioaren tratamendu egokiaren beharra. Eta bestetik, errealitatearekin bat datorren eta estereotipo sexistetatik urrunago dagoen emakumezkoen eta gizonezkoen ordezkaritza komunikabideetan. Izan ere, “hedabideetan emakumeak biktima gisa gehiegi irudikatzen dira eta gutxiegi profesional gisa”, Keltse Eiguren zinegotziaren arabera. Besteak beste, martxoaren 10ean, Isabel Coixeten “50 años de la mujer es cosa de hombres” dokumentala egongo da ikusgai, 19:30etik aurrera, Algortako kultur etxean, Villamonten. Ondoren, eztabaida izango da Esther Esparza aktore eta irrati esatariaren eskutik. Toki berberean, baina hilaren 15ean, komunikabideetan genero indarkeriari buruzko hitzaldia emango du Lucia Martinez Odriozola kazetariak, "De crimen pasional a culpable de homicidio o de asesinato" lelopean, 19:30ean. Bitartean, martxoaren 8rako, Bilbon izango den manifestaziora joateko deitu dute; 19:30ean, Arriaga plazan. Argazkian, aurten ez dute horma irudirik egingo Algortako San Nikolas plazan / Urtzi Altube - Ilanda.eu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun