Astrabudua eta Erandioko PSE-EEren gazteriek antolatuta, astelehen honetan, martxoak 8, Emakumeen Nazioarteko Egunean, mahai-ingurua egingo dute Tartanga institutu astrabuduarreko areto nagusian, Tartanga kaleko 15. zenbakian. Hitzordua 19:30ean jarri dute. "La situacion de la mujer en el mundo. Derechos conseguidos y Nuevos retos por los que luchar" izenburupean jatorri (geografiko, kultural, sozial...) desberdineko emakumeek parte hartuko dute ekitaldian, azaldu dutenez. Ondokoak izango dira mahai-inguruan: Pilar Grados Garcia, gizarte mugimendu eta GKEen idazkaria PSE-EEren Batzorde Exekutiboan eta Psikologian lizentziatua; Ghyslaine Kanza (Kongo), Baliabideen Zentro Afrikanistako (CREA) kidea eta Zuzenbidean lizentziatua; Libia Elena Solorzano Sanchez (Espainia-Kolonbia), Psikopedagogian lizentziatua; Martha Luisa Gonzalez (Kolonbia), Kolonbiako kontsul ohia (Indonesian, Madrilen eta Bilbon), Elkarte Hispano Latinoamerikarreko (AHISLAMA) presidentea eta "Euskadi News" aldizkariaren sustatzailea; eta azkenik, Magaly Arrayan Bonet (Peru), Nazioarteko Elkartasuna erakundeko lankidetza teknikaria eta Obstetrizian lizentziatua. Argazkian, Altzagako herriko etxean batzen da Erandioko JSE-Egaz taldea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun