Ildo berean, "euskararen eta Euskal Herriaren kontrako erasotzat" jo dute Celaaren Hezkutza eredua Ikasle Abertzaleek: "azken matrikulazio kanpainak argi erakutsi duen bezala, Euskal Herritarron gehiengo batek D ereduaren alde egiten du. Proposamen españolista honek, aldiz, B eredurantz egiten du jausi. Ondorioztatzen dugu, beraz, ingelesa ikastearen aitzakiapean, euskara desagerrarazteko estrategian beste aurrera urrats bat dela, hots, Euskal Herriaren kontrako beste eraso bat", azaldu dute.
Azkenik, "Hezkuntza komunitatea kontutan hartu barik" hartutako erabakia dela uste dute. IAk arabera, "Celaa sailburu inposatzaileak, adostasuna eta kontzentsua bere politikaren ezaugarri nagusiak izango zirela adierazi zuen. Baina ikasleok, badakigu, neurri guztiak PPk ordezkatzen duen eskuin-españolistarekin adostuta dituela". "Gainera, gure aburuz, gutxiengo argia diren guraso batzuek aldarrikatzen duten 'erabakitzeko eskubidea', ikasle orok euskaldunduak izateko dugun eskubidearen gainetik jarri dute. Hezkuntza komunitatearen gehiengoaren nahia, inolako lotsarik gabe baztertu dute, alegia", gaineratu du IAk.
Isabel Celaa Eusko Jaurlaritzaren Hezkuntza sailburuak atzo, martxoak 3, aurkeztutako proposamen berria "ikasleok euskaldunduak izateko dugun eskubidearen kontrako eredutzat" jo du Ikasle Abertzaleak (IA) erakundeak. IAk adierazi duenez, "jakina da, egun, hiru ikasletik bakarra dela euskaldundua eskolaldia bukatutakoan. Egindako proposamen españolista hau, gaur egungo B ereduarekin parekatu daiteke eta jakina den bezala, honek, ikasleon %33a besterik ez gaitu euskalduntzen. Beraz, aurrerantzean ere euskara ezagutzeko, finena, euskaldunduak izateko eskubidea erabat urratua izaten jarraituko dugu". Gauzak horrela, martxoaren 12an Hezkuntza Ertainean deitu dituzte etenaldiak eta mobilizazioak eta hilaren 18an unibertsitatean, “Inposaketarik ez! Borrokatu marra gorriak!” lelopean. Horretaz gain, 13an Bilbon egingo den nazio manifestaziorako deia egin dute, beste hainbat eragilerekin batera. Martxa 17:30ean abiatuko da Arriaga plazatik, Euskal Herriak Bere Eskola (EHBE) erakundeak deituta. Argazkian, joan den ostegunean, Hezkuntza Sistema Nazionala aldarrikatu zuten Celaaren aurrean, Leioa eta Erandioko campusean. Irudi gehiago ikusteko, sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun