Ikasketei dagokienez, hiru etorkinetatik batek bigarren mailako ikasketak gainditu ditu (%34,6), oinarrizko ikasketak dituztenak bigarrenak dira (%31,9), eta %13ak goi mailako ikasketak ditu. Horren aurrean, ikasketarik ez dutenak daude, oso kopuru eskasa, %0,5a besterik ez. Bestalde, 10 pertsonatatik 7k Hego Amerikatik eratorriak dira. EAEn eta Bizkaian ematen diren datuak parekatuz, horietan %50 izaten da. Batez ere boliviarrak dira gehienak (%35), atzetik doaz kolonbiarrak (%13), eta gutxiago Europar Batasunekoak (%15) eta Magrebtarrak (%7). Aipatutako lau pertsonatatik hiruk (%73,14) ez dute 3 urte baino gehiago egin Leioan. Gainera, etorkinen populazioaren heren bat (%33,2) ez daroa urte bat baino gehiago herrian erroldatuta. Horietatik denbora gehien daroatenak Leioan Ekuadorrekoak dira.
Leioara heltzen diren etorkinen erdiak beren herrietatik zuzenean heldu direla aitortzen dute. Gehiago dira ostera, Bizkaiko beste herri batzuetatik datozenak (%82,5). "Datu guzti hauek gure bizilagun berriak hobeto ezagutzen laguntzen digute. Modu horretan, kultu aniztasun errealitateari egokitzen gara, eta etorkizuneko erronkei behar bezala erantzuten lagunduko digu", azaldu dute udal iturriek.
Datu hori eta beste asko azken osoko bilkuran aho batez onartu zen Leioako I. Immigrazio Planan agertzen dira. "Modu horretan gure bizilagunak hobeto ezagutzeko aukera izango dugu", uste dute udal arduradunek. Hego Euskal Herritik eta Espainiatik kanpo jaiotako lagunez ari da tokiko erakundea. Beste gauza askoren artean, azterketak adierazten duenez, Leioan bizi diren etorkinak harrera ona izan dutela uste dute, eta hiru etorkinetatik batek bigarren mailako ikasketak ditu, besteak beste. "Kanpotik" etorritako pertsona hauen artean Hego Amerikarrak dira gehienak Leioan, eta horiek omen dira onarpen handiena sumatzen dutenak leioaztarren aldetik, "beste gauza askoren artean, hizkuntza, erlijioa, ohiturak eta kulturaren zati handi bat konpartitzen dutelako". Guztira, etorkinen tasa Leioan %5ekoa da, azkeneko 10 urteetan gora egin izan duen zifra baita. Azpimarragarria da, populazio multzo horren %30ak 30 urte baino gutxiago dituela, hau da, populazio aktiboa eta gaztea dela. Argazkian, Isabel Garcia Gizarte Ekintza zinegotzia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun