Martxoaren 8ko Emakumeen Nazioarteko Egunaren harira, datozen egunetarako hainbat ekitaldi antolatu ditu Berangoko Udalak. Bihar, larunbata, "Berangoko emakumeak: atzo, gaur eta bihar" izenburuko argazki erakusketa zabalduko dute udal pilotalekuan, 11:00etan. Ondoren, 13:30ean, manifestua irakurriko dute eta Nagusien Etxeko abesbatzak emanaldia eskainiko du. 14:30ean, bazkaria egingo dute emakumeek, menuan babarrunak izango direla. Bazkaloste ederra egiteko, 17:00etan dantzaldia eskainiko du Iñaki Uribesalgoren taldeak. Bitartean, igandean, Uribe Kostako Mankomunitateak antolatutako Kirol Anitzeko Lehiaketarekin bat egingo du Berangoko Udalak. Aipatu udalerritik abiatuko da 10:30ean bizikleta martxa, Arrietara hondartza sopeloztarrean bukatzeko. 14:00etatik aurrera, jaia ospatuko dute hareatzan. Amaitzeko, martxoaren 13an, larunbatarekin, "Cruzadas cotidianas" antzezlana eskainiko du Cristina Castillok, 19:00etan hasita, Berangoeta kultur etxean, sarrera doan. Argazkian, Berangoko hainbat neskato / © Berango.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun