Guardia Zibilak uztailaren 29an egindako polizia operazioak "normaltasunez aritzeko oztopoak" ekarri zizkion Gaztesarea gazte komunikazio proiektuari. Hori dela eta, gazte informazio ataria ixtea erabaki zuten urtarrilaren erdian. Baina, aste bat beranduago, gazte mugimenduak atari digital berria iragarri zuen: Topatu.info. Urtarrilaren 22an abiatu behar zen, baina hainbat arazo tarteko pasa den ostegunera arte atzeratu behar izan zuten estreinaldia. Topatu.info-k azaldu duenez, "gazteon topaleku izango den webgunea" izateko asmoz jaio da. Bertan, izango dugu "Euskal Herriko gazteok elkarren berri jakiteko parada, elkarrengandik ikasteko abagunea" izango dute.
"Gure esperientziak trukatzeko gunea izateko helburuarekin jaio da. Gure arteko komunikazio zubiak eraikiko ditugu". Hori egia bilakatzeko, ordea, Topatu.info-k "ezinbestekotzat" jotzen du elkarlana: "Gure herri eta auzoetan egiten ditugun ekimenen eta egoeraren berri emateko zuen parte hartzea ezinbestekoa da", aipatu dute agerkari digital berriko arduradunek. Horretarako nahikoa da topatuinfo[abildua]gmail.com postara testu, argazki, audio zein bideoak bidaltzea. Gainera, sareak ematen dituen beste zenbait bitarteko ere baliatuko dituzte. Hala, publikatzen den albiste oro Twitter bidez ere zabalduko dituzte, berehalako informazioa jasotzeko eta ahalik eta eremu gehienetara iristeko. Koska irratian ekoizten den "Irauli Uhinak" irratsaioa ere bertan topa daiteke, Sextabaida "izarapeko aholkularitza"rekin batera.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.