Uribe Kostako gaztetxe eta gazte asanbladen koordinadoraren oharra:
Uribe Kostako gaztetxe eta gazte asanbladen koordinadoratik, Itzubaltzeta Gaztetxean urtarrilaren 23an jasandako eraso baten ondorioz, eta gazte asanbladak garen heinean eta zuzenki kaltetuak izan garenez, jarraian datorrena salatzera behartuta gaude:
Azkenaldian eremu herrikoiak diren guneetan (gaztetxeak, jai herrikoiak, gazte egunak, txosna guneak...) ematen ari diren, bai gure eskualdean baita Euskal Herriko beste hainbat lekuetan ere, hainbat portaera autoritario eta bortitz zabaltzen ari direla ikusten dugu; guzti hauek gure filosofiaren aurka doaz eta onartezinak direla uste dugu.
Arazo ezberdinak modu eraginkorrean konpontzeko bideak daudela uste dugu, mugimendu herrikoiaren garapena oztopatzen ari diren portaeretara heldu gabe.
Horren guztiorrengatik, argi utzi nahi da orain arte bezala lanean jarraituko dugula eta ez dela horrelako portaerarik onartuko gure eremuetan momentu honetatik aurrera.
Bildu eta zure herrian borrokatu!
Gora borroka herrikoiak!
U.K. koordinadora
Itzubaltzeta gaztetxearen etorkizuna kolokan
Itzubaltzeta gaztetxean izandako erasoa salatu dute eskualdeko gazte asanbladek
Pasa den urtarrilaren 23an Itzubaltzeta / Romoko Itzubaltzeta gaztetxean izandako erasoa salatu du Uribe Kostako gaztetxe eta gazte asanbladen koordinadorak. Itzubaltzeta, Algorta, Erandio, Leioa, Sopela, Plentzia eta Gorlizko gazte eragileak biltzen dituen topaguneak Itzubaltzeta / Romon izandako liskarraz gain, "azkenaldian eremu herrikoiak diren guneetan" izan diren "hainbat portaera autoritario eta bortitz" onartezintzat jo du. Afera horretaz, bertsio zeharo ezberdina eman zuen "Algortako gazte iraultzaileak" izenpeko talde ezezagun batek, erasoa bera ukatzeraino. Argazkian, Itzubaltzeta / Romoko hainbat lagun iaz, gaztetxearen bosgarren urteurrena ospatzeko deia eginez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun