Beste hainbat udalerritan bezala, Erandion ere elkarretaratzea egin dute martxoaren 8ko Emakumeen Nazioarteko Egunean. Erandioko Emakumeen Gizarte eta Kultura Elkarteak egindako deialdiari erantzunez, ehun bat herritar batu da Irailaren 23a plazan, udaletxe aurrean, "Ordu asko eta denbora gutxi" leloa irakur zitekeen pankartaren atzean. Udal zinegotziren batek edo bestek ere parte hartu du gaurko kontzentrazioan: Asier San Nicolas, Arrizen Monasterio eta Santi Neira; Hirigintza, Herritarren Segurtasun eta Kultura zinegotziak, hurrenez hurren. Bihar, berriz, bisita gidatua egingo dute Erandion barrena, goizeko 9:30ean metro geltoki ondoko zabalgunetik abiatuta. Arratsaldean, “Erandioko emakumeak, berdintasunaren alde martxan” izenburuko hitzaldia izango da, 18:30etik aurrera, Altzagako azoka zaharrean. Argazkian, gaurko elkarretaratzea udaletxe aurrean.
Asteazkenera helduta, ospakizun kutsua hartuko dute Emakumeen Nazioarteko Egunaren harira antolatutako ekitaldiek. Egun horretan, azoka zaharrean eskainiko dute musika emanaldia Altzaga eta Astrabuduako Zaharren Egoitzako kideek, 18:30etik aurrera. Ostegunean, martxoak 11, bazkaria eta dantzaldia izango dituzte. Eta azkenik, ostiralean, Emakumeen Egunaren aldeko jaia egingo dute Altzagako azoka zaharrean, “Estrella y su teclado” izenburuko musika emanaldia egongo dela, 18:30etik aurrera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun