Giro apartan egin zen sari-banaketa, Arrietara hondartzan bertan bukatu baitziren txirrindularitza martxa eta ibilaldi neurtua. Bi horiek ere Uribe Kostako Mankomunitateak antolatu zituen martxoaren 8a dela-eta. Ehunka pertsonek egin zituzten bi ibilbideak eta taloa txorizoarekin probatzeko modua izan zuten hondartzan bertan, antolatzaileek egokitutako tokian. Larunbat goizez, hainbat neska eta emakumek piragua ibilbidea egin zuten Plentzia-Butroiko (Plentzia-Barrika) itsasadarrean.
Ikusi Sopela.net agerkari digitalak zabaldutako bideoa:
Lore Eizagirrek eta Sandra Rodriguezek irabazi dute Open Uribe Kosta surf txapelketa
Open Uribe Kosta surf txapelketaren finala hartu zuen atzo, igandea, Sopelako Arrietara hondartzak. Martxoaren 8ko Emakumeen Nazioarteko Egunaren harira antolatu zuen A eta B kategoriatako surflari guztiei irekitako lehiaketa Uribe Kostako Mankomunitateak. Bada, Zarauzko Lore Eizagirrek irabazi zuen gure kostaldean jokatutako emakumezkoen neguko lehen txapelketa. Metro bateko olatuak eta tenperatura oso hotzak izan ziren finalean. Sandra Rodriguezek irabazi zuen B kategorian. Maila horretan esperientzia gutxiagoko surflariak aritu ziren. Tokiko iturriek aipatu dutenez, partaidetza handia izan zuen irekiak, Kantauri kostaldeko toki desberdinetatik ia 30 surflari etorri baitziren. Argazkian, LABek deituta otsailaren 16an salatu zuten heriotza Sopelan / © Sopela.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun