Arrakastatsua suertatu da tokiko emakumeei buruzko argazki erakusketa Berangon
Larunbatean, martxoak 5, udal pilotalekuan egindako argazki erakusketaren bitartez eman zitzaion bukaera "Berangoko emakumeak: atzo, gaur eta bihar" ekimenari; baita amaiera arrakastatsua izan ere. Tokiko iturriek adierazi dutenez, ehunaka lagun gerturatu ziren frontoira, "askotan, oroitzapen kutunak berreskuratu gogora ekarri zituzten irudiok" ikusteko asmoz. Udalerriko emakumezkoak izan dira ekimenaren sustatzailerik nagusienak, eurek eman baitituzte erakusketarako argazkiak, Agueda Otxandategirekin hasi eta 2010ean jaiotako neskatxoekin amaitutako ibilbide grafikoa osatuz. Berangoko Udalak antolatuta, "emakumeek historian izan duten protagonismoa berreskuratu eta andreak bigarren mailara alboratzeko erabili izan diren estereotipo zaharkituak ezabatu" nahi izan dituzte ekimenaren bitartez. Argazkian, hainbat emakume erakusketaz gozatzen / © Berango.net.
Martxoaren 8ko Emakumeen Nazioarteko Egunaren harira, larunbatean, hilak 13, "Cruzadas cotidianas" antzezlana eskainiko du Cristina Castillok, 19:00etan hasita, Berangoeta kultur etxean, sarrera doan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun