Leioako Euskara Zerbitzuak gazte zein umeentzako irteerak antolatu ditu. Alde batetik, Txilinbueltaka programaren barruan, Hondarribiko aterpetxera joateko aukera izango dute 1998tik 2003ra bitartean jaiotako neska-mutilek, 74,20 euro ordainduta. Bestalde, Gazterpe Abentura egitasmoaren barruan, 1994tik 1997etara bitartean jaiotako gazteak Orioko Aterpetxera joan ahal izango dira, prezio berean. Izena emateko epea martxoaren 10etik 17ra arte egongo da irekita, bi irteeretarako, 9:00etatik 14:00etara. Biak ala biak apirilaren 6tik 9ra bitartean izango dira. "Gogoratu behar dugu irteera hauen helburua umeak eta gazteak euren aisialdia euskaraz gozatzeko pentsatua dagoela, horregatik parte hartzen duten gazteek euskaldunak izan behar dira", adierazi dute Euskara Zerbitzutik. Argazkian, Getxo udalerrian egiten duten Bapiruke euskarazko aisialdiko programak ere izen-ematea zabalduko du martxoaren 15ean, kasu horretan Aste Santuko egonaldi irekietarako.
Irteera bien gaineko informazio gehiago Euskara Zerbitzuan (Jose Ramon Aketxe plaza, 11 - 4. solairuan / Kultur Leioa. Telefono zenbakia: 946 072 576. e-posta: euskarazerbitzua[abildua]leioa.net) jaso daiteke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun