Goizane Miruri Bizarra Lepoan euskara elkarteko dinamizatzaileak azaldu duenez, martxoan eta apirilean, udalerriko hiru euskaltegiei, kultur elkarteei eta mintza lagun taldeei zuzenduta egongo da ekimena. Maiatza eta ekainean, berriz, ikastetxeek izango dute parte hartzeko aukera, gustukoen duten ibilbidea aukeratu eta Olaiari (688 635 350) deituta, ibilbidea, eguna eta ordua zehaztuz. Bestalde, lau hilabeteetan zehar egin ahal izango dituzte ibilbideak herritarrek, Getxoko Turismo bulegoan izena emanez.
Herritarrentzako eskaintza:
- Martxoak 17: Santa Ana-Romo-Neguri-Aiboa.
- Martxoak 26: Bolua-Neguri-Ereaga.
- Apirilak 8: XX.mendeko euskararen ibilbidea,
Portu Zaharrean hasita.
- Apirilak 13: Bolua-Santa Koloma-Bolua-Aiboa.
- Apirilak 22: Telletxe-Ereaga-Arrigunaga-Aixerrota-Bidezabal.
- Apirilak 26: Bidezabal-San Inazio-Neguri.
- Maiatzak 4: XX. mendeko euskararen ibilbidea, Portu Zaharrean hasita.
- Maiatzak 12: Santa Ana-Romo-Neguri-Aiboa.
- Maiatzak 20: Andra Mari-Sakuskune-Diliz-Andra Mari.
- Maiatzak 28: Andra Mari-Diliz-Galea-Andra Mari.
- Maiatzak 31: Bizkaia Zubia-Zugatzarte-Ereaga-Igeretxe.
- Ekainak 8: Bolua-Neguri-Ereaga.
Lehenengo bi irteerak 18:00etan aterako dira eta gainontzekoak 19:00etan. Zeharkatu beharreko distantziak 1.000 eta 5.900 metro artekoak izango dira.
Datorren asteazkenean, martxoak 17, izango da aurtengo toponimia ibilbideetan lehena, Bizarra Lepoan euskara elkarteak Getxoko Udalaren Euskara Zerbitzuarekin elkarlanean antolatuta. Euskaltzaindiak eta Getxoko Udalak egin zuten "Getxoko leku izenak" toponimia liburuan oinarrituta, 10 ibilbide diseinatu dituzte. Bizarra Lepoan elkarteko gidari batekin, Olaiarekin, horiek egiteko aukera emango zaie ikastetxe, kultur elkarte, euskaltegi eta herritarrei. Herri osoko toponimia ezagutzera emateko helburuarekin, doako ibilbideak euskaraz izango dira eta gidariak euskara maila entzuleen ulermen mailara egokituko du. Gainera ikastetxeetarako eskola materiala prestatu eta banatuko da, ibilbidea aldez aurretik landu dezaten, udal iturriek aipatu dutenez. Argazkian, besteak beste, Algortako Portu Zaharra ezagutzeko aukera egongo da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun