Aurten ere sukaldaritza ikastaroa prestatu du Berbots Erandion Euskaraz! elkarteak. Oraindik tokia badago, jakinarazi dutenez. Izen-ematea e-postaz (berbotserandio[abildua]telepolis.com) edo telefonoz (630 404 171) egin daiteke. Ikastaroa asteazkenero egingo dute, 19:30etik 21.00ak arte, Bekoa ikastetxean betiko lez. Hurrengo astean izango da lehenengo saioa: hilaren 17an, alegia. Iaz, besteak beste, bakailao eta otarrainska lasagna, sagar frijituak, piper berde beteak patata tortillagaz txipiroi saltsan... prestatzen ikasi zuten su artean ibilitakoek. Aurten, errezeta berriak zien parte-hartzaileek proposatutakoak landuko dituzte. Bestalde, laster Kanpomartxo izango dugula gogoratu dute Berbotsekoek. Aurten, martxoaren 28an, igandearekin, izango da Lutxanan. Argazkian, Berbots elkarteko kideek 2009an egindako familia irudia / © Berbots Erandion Euskaraz!.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun