Gazako erasoan milatik gora hildako eta bost mila zauritu baino gehiago eragin zituen Israelgo Armadak. Ofizialki, "Hamasen ahalmen militarra deuseztatzea" zuen helburu Berun Urtua operazioak, gune zibilen, ospitaleen, zerbitzu medikoen eta oinarrizko azpiegituren bonbardaketa etengabekoan oinarritu bazen ere. "To shoot an elephant" film dokumentalak (113') egun horietan gertatutako zati txiki bat kontatzen du. Baina, Arceren eta Rujailahen lana ez zen kasualitatea izan, Gazan ilegalki sartu eta lekukotasuna emateko erabaki kontzientea baizik. Filma Eguzki Bideoek banatzen dute eta arabieraz eta ingelesez bada ere, hainbat hizkuntzatan ikus daiteke, azpitituluz, tartean euskaraz.
Pasa den urtarrilaren 18an, filmaren lantaldeak Gazaren aldeko emanaldi-ekintza bateratua deitu zuen mundu mailan. Guztira, 220 emanaldi baino gehiago izango ziren egun horretan, haietatik %25 bat Euskal Herrian. Eskualdean, baina, Leioako Udondo gaztetxean baino ez zen zabaldu. Hori dela eta, UKBERRI.NETek hainbat elkarterekin jarri zen harremanetan kazetaritza lan independente eta aparta hori ahalik eta leku gehienetan zabaltzeko. Blogari euskaldunek bideoa euskaratzeko egindako auzolana ere saritu nahi izan zuten horrela. Besteak beste, Ariku kultur elkartea, Plaza Beltza kultur elkartea, Itzubaltzeta gaztetxea, Algortako Gazte Asanblada eta Germatxin gazte kultur elkarteak hartuko dute parte ekimenean.
Datozen emanaldiak:
• Martxoak 18, osteguna, Getxoko Txorimalo gaztetxean, 19:00etan.
To shoot an Elephant, euskarazko azpitituluekin
cc-by-sa Alberto Arce eta Mohammad Rujailah
Palestinari buruzko "To shoot an Elephant" dokumentalak jarraitzen du Uribe Kostatik zehar abiatutako emanaldi bira. Hainbat elkarteren ekimenez, dagoeneko Leioan, Itzubaltzeta / Romon, Algortan eta Plentzian ikusteko parada izan da. Larrabasterran, berriz, "Gaza: war in the media" dokumentala ikusi zen. "To shoot an Elephant"-en, Israelgo Armadak 2008ko abendua eta 2009ko urtarrila bitartean Gazako Zerrendan eginiko sarraskia kontatu dute Alberto Arce eta Mohammad Rujailah zuzendariek, anbulantzia palestinarretatik ikusitakoaren bitartez. Hurrengo emanaldia, Algortako Gazte Asanbladak eta UKBERRI.NETek antolatua, Getxoko Txorimalo gaztetxean izango da, martxoaren 18an, ostegunarekin, arratsaldeko 7etan. Ohi bezala, jatorrizko bertsioa euskarazko azpidatziekin zabalduko dute. Argazkian, Israelek 2007an Gazako pasabide guztiak itxi zuenetik, kartzela erraldoia da Zerrenda / cc-by-sa Alberto Arce eta Mohammad Rujailah.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun