Igande honetan, martxoak 14, Bilboko Lasterketa Mistoaren laugarren edizioa egingo dute Bizkaiko hiriburuko Uribitarte ibilbidean. Irteera Bilboko udaletxe alboan izango da, goizeko 10:30ean eta izenematea doakoa da, EHUko iturriek adierazi dutenez. Hain zuzen ere, inskripzioak bihar arte egin ahal izango dira Leioa eta Erandioko campuseko kiroldegian, baita EHUko Kirol Zerbitzuko Bilboko egoitzan (Larrako-etxea, Agirre Lehendakaria 81, Sarriko) ere. Lasterketa 5.000 metroko distantzian egingo da eta gizonek eta emakumeek osatutako bikote mistoak elkarrekin lasterka joan eta helmugan sartu beharko dute. Jardunaldi berean, baina 11:15ean, errelebu-lasterketaren (4 x 400 metrotan) hirugarren edizioa egingo dute, ondoko modalitateetan: eskola-umeak (13 urte bitartean) eta irekia (adin mugarik gabe). Lasterketa horietan, errelebua ezingo dute sexu bereko pertsonek osatu. Argazkia: © EHU.
Iazko txapelketan, 5000 metroko lasterketan 185 bikote parte hartu zuten eta osotara 500 pertsona baino gehiago izan ziren lehiakideak. Horrela, emakume eta gizon aldi berean kirol praktikatzea sustatzen da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun