Ba hara non, "Goazen" delako telebisinoko programa famatu horretan bertsino barri bateaz etor daskuzen. Eta zer dinon bertsino horrek?
Aitu eta gaitu. “Recuento generalean” dinoskunen zaharrak “abesti generalean” barriak. “Sarri sarri bi batu” (edo Viva tu) interpreta geinkenean zaharrean, “sarri sarri abestu” edo “Aupa gu” entzuten dogu. “Bafleetatik” esan barik, “Basakabin”. Barrian, Piti ez da inondik bere agertuten eta kantaten dan estrofan "Goazen" programari dagozkion erreferentziak baino ez dauz.
Ez dakit nork erabaki dauen hori halan izatea, eta zeaitik posible izen dan. Legala danaz duda bat bez. Baie a ze tristezi emon dosten entzutean!
Neure sei urteko alaberi sano gustaten dako ditxosozko "Goazen" hori ba, eta erosi egin dako CDa bere urtebetzerako, akabun. Ez euki dudarik baie, benetako kanta zein dan berak ulertuteko modun esplikako dotsetena. Eta batez be, kanta egingo dotsetena autentiku eta berdaderu dan bakarra.
Alaba txikerrak zentsuratzailearen parte hartu bariko zentsura inoz ikustea lortuko ete dauen geroak esango dau barrez. Badinotsuet baie, gatz iminten dotseela. Gureta.
Gabi Basañez euskaltzale internazionalistak pasa den larunbatean Sopela.net-en argitaratutako artikulua
[© Gabi Basañez - Sopela.net] Ezkerreko eta abertzale sentitu eta bizi garenok ez dogu izeten poztuteko aukera larregirik, egi esan ber bada. Irati atxilotu daurela, Mikel torturatu, erliari kriston izuna, merlia matxakatu atzoko konzentran... Egunero horrelakoak dekoguz, sarri sarri. Ez ela? Horrexegatik da horren garrantzitsu lortu eta bizi izan doguzen irabazpenak mantentzea. Historirako eta, batez be, buru kolektiborako. Gauza bagarena jakin deigun. Eta akordun ete dekozue Sarrik eta Pitik kartzelatik alde egin jauden egun ha? Zelan ez ba. Belaunaldi oso ezbardinek bizi ahal izen dogu ganera, garaipen sinpatiko eta indartsu ha, “Sarri sarri” Kortaturen kanta mitikoari esker. Astebeteko historia klase batek baino mile bider azkarrau eta zehatzau hainbet irakaspen askatzaile eskeintzen dituena. Argazkia: cc-by GuEHE.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun