Amnistiaren Aldeko Mugimenduak zabaldutako oharra:
Atzo filtrazioekin poliziak bertsio bakarra zabaltzeko helburua zuela salatu dute eta gaur egunean zehar agerpenaren balorazio sakonago egitekotan gelditu dira.
Amnistiaren Aldeko Mugimenduak baieztatu nahi du Tolousen agerturiko gorpua Jon Anza euskal militante politikoarena dela.
Atzo Frantziako Poliziak burutu zuen filtrazioak helburu argi bati erantzuten diola salatu nahi dugu. Konfirmazio ofiziala baino lehen Jonen heriotza modu naturalean etorri denaren bertsioa lau haizetara zabaltzea izan da helburua, atzo gaueko informatiboak eta gaurko egunkariak bertsio bakarrarekin zabaltzeko. Amnistiaren Aldeko Mugimendutik ez dugula bertsio hau sinisten esan nahi dugu, gaur egunean zehar agerpen honen balorazio sakonago bat burutuko dugularik.
Okzitaniako Tolosako gorputegian agertutako hilotza pasa den apirilaren 18tik desagertuta zegoen Jon Anza ETAko militante donostiarrarena dela baieztatu du Amnistiaren Aldeko Mugimenduak. Hala ere, atzo filtrazioekin poliziak "bertsio bakarra zabaltzeko helburua" zuela salatu dute eta gaur, egunean zehar, agerpenaren balorazio sakonago egitekotan gelditu dira. Frantziako Poliziak burutu zuen filtrazioak helburu argi bati erantzuten diola salatu du errepresioaren kontrako erakundeak: "konfirmazio ofiziala baino lehen Jonen heriotza modu naturalean etorri denaren bertsioa lau haizetara zabaltzea izan da helburua, atzo gaueko informatiboak eta gaurko egunkariak bertsio bakarrarekin zabaltzeko", adierazi dutenez. Bertsio hori sinesten ez duela argi utzi du AAMk. Argazkian, Jon Anza eta euskal preso politikoak gogoan, LABek elkarretaratzea egin zuen joan den ostiralean Algortan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun