![](http://farm5.static.flickr.com/4006/4387393998_8cf06b10aa_m.jpg)
"Inposaketarik ez! Borrokatu marra gorria!" lelopean, gaurko, martxoaren 12rako, etenaldiak eta mobilizazioak deituak ditu Hezkuntza Ertainean
Ikasle Abertzaleak (IA) erakundeak. Horren bidez, "mapa arrotzen inposizioa, euskal historiaren ukazioa, kartelak jartzeko ezintasuna, kontrol soziala, greba egiteko ezintasuna, Bologna prozesuaren inposizioa..." salatu nahi dituzte ikasleek. Bada, "ikasleon eskubideak urratzen dituzten marra gorriak borrokatu eta bestelako hezkuntza eredu bat aldarrikatzeko" asmoz, Uribe Kosta eta Erandion hainbat deialdi luzatu dituzte. Besteak beste, eguerdiko 12etan kontzentrazioa egingo dute Itzubaltzeta / Romoko Santa Eugenia plazan. Ordu erdi beranduago, Algortako Telletxe plazan jarri dute hitzordua, elkarretaratzea eta ekitaldia egiteko. Argazkian, otsailaren 25ean, Hezkuntza Sistema Nazionala aldarrikatu zuten Celaaren aurrean, Leioa eta Erandioko campusean.
Irudi gehiago ikusteko, sakatu hemen.