Leioakoek aipatu bezala, euskaltegietako irakasleon lanak urteekin batera, dela materialgintza, dela metodologia, direla teknologia berriak, halabeharrezko aldaketa izan du.
Gauzak horrela, azken hemeretzi urteotan behin baino gehiagotan gure lanpostuen balorazioa eskatu badugu ere, uko egin zaio gure etengabeko aldarrikapenari. Esan gabe doa bidegabekeria honek gure lanaren balioa gutxietsi egiten duela.
Hau guztia aipatuta, honako hau eskatzen diogu Getxoko Udalari: hemendik uda bitartean, udal langileei lanpostuen balorazioa egingo zaiela eta, gure lanpostuen balorazioa ere behingoz egin dezala.
Getxoko Udal Euskaltegiko irakasleak
Getxoko Udal Euskaltegiko irakasleak: "Getxoko Udalari: nork bere ardurak bete ditzala"
Orain gutxi Leioako Mastitxu Udal Euskaltegiko irakasleen miseriak eta komeriak irakurri ahal izan ditugu prentsan. Hori dela eta, gure elkartasuna helarazteaz gain, geu ere egoera berean gaudela salatu nahi dugu lerro hauen bidez. Leioakoei bezala, geuri ere 1991n egin zitzaigun lanpostuen azken balorazioa. Ordutik hona ikusi dugu, udal askotan, bertako irakasleen lanak balorazio hobea izan duela; ikusi dugu, geure Udalean bertan, gurearen antzeko lanpostuak sortu direnean, gorago (3. maila) baloratu direla; eta ikusi dugu, halaber, geure maila profesionala duten lanpostu gehienak askoz gorago baloratzen direla, oro har. Argazkia: cc-by Egizu Getxo Euskaldun!.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun