Getxoko PP pozik agertu da ostiralean Villamonten estreinatu ziren igogailuengatik. Marisa Arrue zinegotzi popularraren arabera, aurreko legealdiaren bukaeran "EAJk Villamonte plaza erdia bahitu nahi izan zuen, bertan arrapala mekanikoak egiteko asmoz, nahiz eta auzokideek igogailuak eskatu". Horregatik, Villamonteko auzotarrak zoriondu ditu Arruek, "etengabe mobilizazioak burutu" ostean azpiegitura berri hori "lortu dutelako". Protestarik gabe "ezinezkoa" izango zelakoan dago Arrue. Gainera, gogoratu dutenez, arrapala mekanikoak gurpil aulkietan mugitzen direnentzako oztopoa dira eta beraz, ez zuten bere funtzioa betetzerik. Bestalde, Alderdi Popularrak Villamonteko auzokideen elkarteari emandako sostengua garrantzitsua jo du, mobilizazioei eta haien laguntzari esker "lurren bahiketa gelditzea eta igogailuak lortu" zirelako.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun