Hainbat hilabete mobilizazioak egiten eman ostean, Urazka enpresarekin hitzarmena adostu dute Sopelako Udalarentzat lan egiten duten kale-garbitzaileek. Horren bitartez, lau urteko epean, beste udalerrietan lan horretan diharduten beharginek kobratzen dutena jasoko dute, Sopela.net agerkari digitalak zabaldu duenez. Horretaz gain, postua ez dute galduko egun lan-taldea osatzen dute 13 lagunek. Gatazka ez da berria: orain lau urte Cespa enpresari eman zioten Sopelako kaleak garbitzeko ardura. Horrek, baina, ez zuen langile sopeloztarren soldata beste udalerrietan diharduten enpresa bereko beharginek kobratzen dutenarekin berdindu. Hori, minusbaliatuak direlako omen zen ere aurpegiratu zioten Cespari. Abendu eta urtarrilean elkarretaratzeak eta manifestazioak areagotu ostean, otsaileko osoko bilkuran, Sopelako Udalbatzak behin betiko onartu zuen Urazka arduratzea kaleak garbitzeaz. Argazkian, Sopelako kale-garbitzaileetako bat / © Sopela.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun