Alkoholemian positibo eman zuten 15 gidarik, joan den asteburuan Getxoko Udaltzaingoak egindako kontroletan, udal iturrien arabera. Horietatik 3 atxilotu eta epailearen esku utzi dituzte, bide segurtasunaren kontrako delitua egotzita, epaiketa arinaren sistemaren bidez. Beste 12 gidarien kontrako administratibo-salaketa bana jarri dute, Zirkulazio Arautegi Orokorrak ezarritako alkoholemia tasa gainditzeagatik. Oraingoan, kontrol ugari Itzubaltzeta / Romon burutu dituzte poliziek, "bertako auzokideek Auzoz-auzo programaren barruan Getxoko alkatearekin izandako bileran agertutako eskaerei erantzuteko", aipatu dutenez. Udaltzainen presentzia areagotu da, bai oinez, bai ibilgailuz. Aipatu 15 emaitza positibotatik 6 Romon izan dira. Alkoholemia tasa gainditzeagatik jarritako salaketetarako, 302 eta 602 euroen arteko zigorra aurreikusten du Zirkulazio Arautegi Orokorrak; baita gida-baimenaren 4 edo 6 puntu kentzea erre. Epaileek erabakitzen dute zigorra. Argazkian, Getxoko Udaltzaingoaren Koordinazio Zentroa / © Getxo.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun