Aitxu! euskara taldeak adierazi duenez, "orain arte bezala, hau da, bakoitza bere aldetik, ezin dugula jarraitu agerikoa da. Euskarak batera behar gaitu eta lehenengo urratsa eman dugu. Hemendik aurrera dinamika eraginkorra guztion artean ere mantendu behar dugu".
Ikusi Sopela.net agerkariak zabaldutako bideoa:
Larunbatean, martxoak 13, "Euskaraz atseginez" egitasmoa aurkeztu zuten Sopelako udaletxeko sarreran, aipatu udalerriko saltoki eta ostalaritza establezimenduetan gure hizkuntza suspertzeko asmoz. Sopelan euskaldun asko dago, baina sustatzaileen arabera, kaleko errealitatean ez da igartzen. Hori dela eta, Sopelako Aitxu! euskara taldeak urrats garrantzitsu bat eman zuen eta fruituak ekarri ditu. Lehenengo urrats bezala, dendariei eta tabernariei zuzendutako programa bat pentsatu eta prestatu zuten. Proposamen horrekin, Sopelako eragile ezberdinen atea jo zuten. Horiek guztiak egin eta gero, euskara eguneroko bizitzan suspertzeko lehen ekimen bateratua abian dago. Alderdi politiko gehienek (EAJ, ezker abertzalea, Alternatiba, PSE-EE, EA), hezkuntza eragile guztiek, dendarien elkarteak, beste dendariek eta tabernariek eta ezagunak diren kirolariek eta auzokideek, euskara suspertzeko ekimenarekin bat egin dute, azaldu dutenez. Banan-banan, tabernari eta dendariak elkarrizketatu ostean, besteak beste, establezimendutan euskaraz egiteko gonbidapena egingo duen kartela edota oharra jarri, euskaraz ondo moldatzen diren langileei paparrean jartzeko txarteltxoa banatu eta, azkenik, euskarazko doako ikastaroak emango dizkiete merkatariei. Argazkian, larunbateko aurkezpena / © Sopelana.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun