Zortzi elkarretaratze egingo ditu gaur eskualdean Bakearen Aldeko Koordinakundeak
Bakearen Aldeko Koordinakundeak dozenaka elkarretaratze deitu ditu Hego Euskal Herrian, tartean zortzi Uribe Kostan eta Erandion. Bart iluntzean Parisko hego-ekialdean tiroketa batean hildako polizia frantsesa gogoan egingo dira aipatutako kontzentrazio isilak. Ekimen horren bidez, "ETAri bere jarduerari behin betiko utz diezaion" beste behin ere exijitu nahi dio BAKek. Koordinakundearen hitzetan, "50 urtetan, ETAk mina eta oinazea baino ez du ekarri". Ildo horretan, gizarteari deia egin dio elkarretaratzeetan parte har dezan, besteak beste, Jean-Serge Nerin polizia zenaren familia eta lankideei elkartasuna adierazteko. Argazkian, BAKek ETAren aurka egindako aurreko mobilizazio bat / cc-by-sa Christian Gonzalez Garcia.
Inguruko hitzorduak honakoak dira: Areetako Xake, Algortako Telletxe, Astrabuduako Josu Murueta, Erandioko Irailaren 23a eta Sopelako Udaletxe plazetan burutuko dira arratsaldeko elkarretaratzeak. Lehenengoa biak kenduta (19:30ean egingo dute), beste guztiak 20:00etan izango dira. Goizez, berriz, Leioako Irlandesas ikastetxean, Barandiaran institutuan eta Leioa eta Erandioko campusean ziren egitekoak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun