Eusko Jaurlaritzako Herrizaingo Sailak debekatu egin ditu Jon Anzaren inguruan bihar egitekoak diren elkarretaratze guztiak. Neurria "terrorismoa goratze delituak edo ordena publikoaren aztoratzeak aurreikusiz" eta horiek gertatzeko "probabilitate handia" delakoan hartu duela dio Jaurlaritzak zabaldutako oharrean. Erabakia kontzentrazioen deitzaileei jakinarazi zaiela dio Aresen Sailak. Era berean, deialdiaren objektuak berak "delitu ezaugarriak" dituela jo du Herrizaingo Sailak, Jon Anza ETAko militantearen heriotza salatzean "Espainiako segurtasun indarren esku egindako 'erailketa' bezala" aurkezten denean. Gainera, pasa den igandean Donostian izandako manifestazioa "aurrekari" gisa hartu dute. Bertan, "hildako terroristaren aitorpen edota goratze ekitaldiak" eta "segurtasun indarren eta horien arduradunen aurkako bidegabeko erasoak" izan zirela diote. Amnistiaren Aldeko Mugimenduak, ordea, mobilizazioei eutsi eta bihar eta datozen egunetan gerra zikina kalean salatzeko deia egin du. Argazkian, biharko protestak deitzen dituen AAMren kartela / publicdomain Etengabe.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun