Gaztehgam Euskal Herriko gazteria gay-les askapen mugimenduak antolatuta, larunbat honetan, martxoak 20, Sexu Askatasunaren Aldeko Jardunaldia hartuko du Algortak. Gauzak horrela, 17:00etatik aurrera, lesbianen mugimenduaren sorreraren inguruko hitzaldia izango da Aldai patronatuan, Karitate kaleko 1. atarian. Horren ostean, tuppersex saioa egingo dute toki berean, sexu heziketa ere lantzeko asmoz. Hori bukatuta, berriz, jai giroan murgilduko dira. Teoria gaiak alde batera utzi eta triki-poteo zein bertso-afariaz (21:00etan, 10 euroren truke) gozatzeko aukera izango dute parte-hartzaileek. Festarekin jarraitzeko asmoz, Pakoak taldearen ikuskizuna ere izango da. Izena eman nahi dutenek e-posta bidez edukiko dute horretarako aukera ondoko helbide elektronikoen bidez: ehgambizkaia[abildua]gmail.com eta gaztehgam[abildua]gmail.com. Ondoko telefono zenbakia ere jarri dute eskura: 605 712 263. Argazkia: cc-by-nc Erprofe.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun