Herrizaingo Sailak debekua ezarri arren, gaurko deialdiak berretsiak zituen Amnistiaren Aldeko Mugimenduak, Jon Anzaren erailketa salatu zein errepresioa eta gerra zikina amaitzeko eskatzeko asmoz. Besteak beste, Algortan, Telletxen jarrita zeukaten hitzordua, arratsaldeko 7etan. Ordurako, Ertzaintzaren furgoneta eta auto bana zebiltzan inguruan. Batzokiaren inguruetan, berriz, beste furgoneta bat zegoen. Bada, Telletxen bildutakoek, Etxeratek egunero deitzen duen elkarretaratzearekin bat egitea erabaki dute. Gauzak horrela, 70 bat lagun aldarrikatu dituzte euskal preso politikoen eskubideak, uniformedun poliziek bertatik alde egin dutela. Altzagan, metro geltoki ondoan, lasai asko egin dute kontzentrazioa 30 herritar inguruk. Bitartean, Itzubaltzeta / Romon, uneoro ertzainak izan dituzte atzetik, kalerik kale, manifestazioa egin duten 80 bat pertsonek. Larriena Sopelan gertatu da: udaletxe aurrean 50 gizon-emakume inguru bilduta zeudela, parkarta eraman dute poliziek, horri eusten ari ziren lagunak identifikatu ostean. Argazkian, gaurko protestak deitzen zituen AAMren kartela / publicdomain Etengabe.
Uribe Kosta eta Erandioko gainontzeko herrietan bazeuden jarrita hitzorduak. Bitartean, goizean, Leioa eta Erandioko campusean, dozenaka lagunek egin dute manifestazioa, Jon Anzaren heriotza salatzeko. Presoen Aldeko Taldeek azaldu dutenez, aurretik, campuseko sarrera nagusiko atea kateatu dute eta olioa bota dute bertan. Beste sarreran giza katea egin dute auto eta autobusen sarrera galaraziz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun