Udalbatzak onartuta, mila euro bideratu du Sopelako Udalak iragan urtarrilaren 12an Haitin izandako lurrikara dela-eta larrialdi diru-laguntza emateko. Sopelako diru-laguntza hori, EAEko gainontzeko euskal udalerriekin batera, EUDELek sortutako udal laguntza funtsaren bitartez bideratu da. Halaber, EUDELek Euskadiko Gurutze Gorriari eman dio 138.869 euro batu duen funtsa. Diru hori giza jarduera desberdinak bilduko dituen programarako erabiliko da. Gehien bat, uraren banatze eta larrialdirako produktuetarako. Kontutan hartu behar da, lurrikarak eragindako suntsipenak egoera eskasean utzi duela herrialdeak zuen azpiegitura osoa. Ondorioz, ur edangarri sistemek kalte handiak jaso dituzte, baita elektrizitate, garraiobide eta komunikabideek. Argazkian, ume bat Port-au-Prince-ko errefuxiatu eremu batean / cc-by-nc-nd Adriana Zehbrauskas - Polaris eta Save The Children.
Lurrikara pairatu duten herritarren oinarrizko beharrak asetzea da, azken batean, helburu zehatza. Lurrikara hori larrienekotzat jotzen da. Hamar mila pertsonetako populazioari helarazi nahi zaio ur edangarria, jakiak eta oinarrizko laguntza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun