Herrietako ordezkariek goizeko 9:30etarako bertaratu beharko dute Segurako plazan kokatuko den karpara. Eskualdeko bikoteren batek Euskal Herriko txapela etxera ekartzekotan, garai ikurra, 3.000 euro esku dirutan eta 4 lagunentzako nazioarteko bidaia ere irabaziko dute. Bigarrenek garai ikurra, 1.500 euro esku dirutan eta Kanariar irletarako 2 lagunentzako bidaia eskuratuko dituzte. Hirugarrenek, berriz, 500 euro esku dirutan eta Lesakako Atxaspi hotelean asteburuko egonaldiaz gozatu ahal izango dute. Laugarren bikoteak 500 euro esku dirutan eta AEKn euskaraz ikasteko urte osoko bi matrikula eskuratuko ditu. Bosgarren eta 16. sailkatutakoek hainbat opari jasoko dute. Bestalde, herrialde maila sariak ere egongo dira.
Euskal Herriko II Mus Txapelketa Orreaga eta Iparra-Hegoa elkarteek eta Bai Euskal Herriari ekimenak antolatu dute. Besteak beste, AEK, "Berria", "Gara", "Deia" eta Info7 irratiak laguntzen dute.
Euskal Herriko mus txapela eskuratzen saiatuko dira gaur eskualdeko lau bikote
Gaur, Euskal Herriko Mus Txapelketako finala burutuko da Gipuzkoako Segura herrian. Euskal Herri osoko 128 bikote bilduko dira, Uribe Kostako ordezkaritza lau bikotek osatuko dutela. "Lubi" eta Juan Angel Lamelas leioaztarrak, Dani Martinez Gaston eta Joseba Basabe sopeloztarrak, Koldo Ortiz de Ginea eta Enrique Noya "Kini" algortarrak eta Venancio Perez eta Aitor Martin itzubaltzetarrak Bizkaiko beste 12 bikoterekin, Arabako 16rekin, Nafarroa Garaiko 32rekin, Gipuzkoako 32rekin, Lapurdiko 16rekin, Behe Nafarroako 12rekin eta Zuberoako 4 bikoterekin lehiatuko dira txapelaren bila. Argazkian, Algorta eta Itzubaltzeta / Romoko bikoteak Branka tabernan jokatu zen kanporaketan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun