Nik irakurri nahiko nuke halako albistea "Getxoberri"n: Udalak ziurtatzen du Gobela ibaiko arroa egokitzeko proiektu osoa egin arte ez duela Zubiletan eraikiko, ezta uholde arriskuan dauden zonaldeetan eraikitzen utziko... Eta oraindik aurrera, zerbait eraiki baino lehenago, Getxon dagoeneko bizi diren hiritarren ongizatea bermatuko lukeela, eta ez litzatekeela sartuko proiektu erraldoietan horiek ez balira onak getxoztar guztientzako eta ez inoren aintza goraipatzeko... Baina, tamalez, berehala errealitatera itzuli nintzen benetako azken "Getxoberri" ikustean, beti bezala, goitik beherako komunikazio instituzionala baino ez, eskerrak komunikazio horizontala bermatzeko beste komunikabideak ditugula: Koska Irratia edo Ukberri kasu.
Arantza Gutierrez Pazek pasa den ostiralean gobelaibaiakonpondu.blogspot.com bitakoran argitaratutako artikulua
[© Arantza Gutierrez Paz - Gobela Ibaia Konpondu] Atzo eguerdian irakurri nuen: "Udaletxeak hiritarrei LZPari buruz galdegingo die" (sic) eta, egia esan, poztu nintzen. Behingoz, Udalak gure iritzia eskatuko luke hirigintza-politikoaren inguruan. Baina poztasuna oso laburra izan zen, berehala irakurri bainuen gezurrezko "Getxoberri"a zela hori. Tentela, ni! Azkenengo uholdetako batzordeetan, Udalak egin duen gauza bakarra goitik beherako informazioa ematea izan da, eta hori beti kontuan hartuta aurretik prentsa-aurreko batera deituta zituela komunikabideak. Azkenengoan, gainera, URAk berak informazioa eman nahi zuelako deitu zuen... Baina inoiz ez da berandu aldatzeko, eta hiritarren iritzia jasotzeko, eta kontuan hartzeko...
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun