Profesional moduan, lehenengo urratsak congak eta tronpeta jotzen eman zituen bere jazz latinoko estiloan, Dizzy Gillespie musikari handiaren alboan. Ondoren, Eddi Palmieri buru zuen El Son taldean jardun zuen eta, handik gutxira, Conjunto Libren jo zuen, Manny Oquendo tinbal-jole famatuaren taldean, hain zuzen ere. Erakutsitako talentu handiak bultzatuta, bere taldea sortu zuen 70 hamarkadaren amaieran: Yo Ya Me Cure eta, jarraian, The Fort Apache Band osatu zuen. Azken horrekin, "Rumba para Monk", "Crossroads" eta "Pensativo" lan ospetsuak grabatu zituen. Azkenengo biak Grammy sarietarako izendatuak izan ziren.
Talde lehiaketa
Ohi denez, jaialdi getxoztarrean Talde Lehiaketa izango da. Europako talde gazteen lana bultzatzea de helburu nagusi ekimen horrek eta 24 urtez jarraian antolatuko da. Aurten 14 herritako 40 talde eman dute izena eta, horien artean, jaialdiaren epaimahaiak honako hauek hautatu ditu: Crickets (Italia), Maratone Quintet (Finalndia), Wierba&Schmidt Qt. (Polonia) eta GDjazz 4tet (Espainia).
Finalistek jaialdiaren lehenengo lau egunetan, uztailaren 1etik 4ra, parte hartuko dute, hurrenez hurren, eta irabazleak berriro jardungo da azken egunean. Sariei dagokienez, 3.750 euro jasoko dituzte irabazleek eta disko bat grabatuko zaie zuzenean. Bigarren sariari 1.500 euro dagozkio eta, azkenik, bakarlaririk onenak 750 euro irabaziko ditu. Sariez gain, irabazleek Hoeilaarteko (Belgika) eta Eivissako jazzaldietan parte hartuko dute, Getxo Jazzek horiekin duen akordioari esker.
Jerry Gonzalez and The Apache Band taldeak Afrika eta Karibeko erritmoak ekarriko ditu aurtengo Getxoko Jazzaldira
Getxoko Nazioarteko Jazzaldia prestatzen dabiltza jada. Saio nagusiei dagokienez, Jerry Gonzalez tronpeta-jole estatubatuarra da bere parte hartzea baieztatu duen lehenengo artista. Aurtengo jaialdia, hogeita hamalaugarrena, alegia, uztailaren 1etik 5era izango da eta, ohi bezala, kontzertu nagusiez gain beste saio batzuk eskainiko ditu, esaterako, Talde Lehiaketakoak. Oso gaztea zela hasi zen Afrikako eta Karibeko musika jotzen Jerry Gonzalezek. Tronpeta eta, ondoren, congak, jotzen ikasi zuen eskolan eta bere musika-ikasketak New York College of Music-en eta New York University-n osatu zituen. Jarduera profesionalean 70eko hamarkadaren hasieran abiatu zen eta, garai horretako talde latinoek ez bezala (salsa musika jotzen aritzen zirenak), Afrikako eta Karibeko doinuen sustraietan sakondu zuen eta erritmo horiek jazzarekin uztartzen jardun zen. Argazkian, Jerry Gonzalez tronpeta-jole estatubatuarra / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun