Bestalde, epaitegietara bideratutako eginbideak 641 izan ziren, horietatik 535 herrian gertatutako ekintzek eragindakoak eta 106 beste udalerri batzuetan gertatutakoak, Leioako Udalak esan duenez. Tokiko agintarien ustez, "datu hauek islatzen dutenez salaketak gutxitu egin dira, %9,20 iazko datuekin alderatuta". Salatutako kontzeptuak ere gutxiago izan dira, bizikleten, sakeleko telefono eta argazkilaritza materialaren lapurreta izan ezik. Jabetzaren kontrako delituak ere gutxiago izan dira, 2008an izandako 222 salaketetatik 165 pasatuz iaz. "Baina, gogoratu behar dugu, gertaera hauek ziklikoak izaten direla, ez ohikoak", aipatu dutenez.
Genero indarkeria
Genero indarkeriari dagokionez, "hazkunde nabaria" gertatu da, udal arduradunen hitzetan. Bide horretan, polizia baliabideen parte-hartzea ere "handitu" egin da, adierazi dutenez. 2009an biktimen babeserako 31 agindu jaso izan ziren: Aurreko urteetakoekin batera (72 agindu) eta 2009an itxitakoekin (25) 103 dira, guztira. Kasu horietatik, Araba, Bizkaia eta Gipuzkoan jaiotakoak dira ustezko 51 egile; 10 espainiarrak dira; eta 42 Estatutik kanpokoak. Azpimarratu dutenez, 29 izan zirela babesa behar izan zuten emakumeak. Gizonak, berriz, 2 izan ziren. Momentu honetan erasotuak izateko arriskua duten 6 biktima babesa jasotzen ari dira. "Pertsona hauei 1.454 bider eman zaie babesa, udaltzain pare baten esku, 727 ordu izan dira 2009an", diote udal iturriek.
Alkohola eta drogen kontsumoa
Leioako Udaltzaingoak kontrol zehatza darama adingabekoek debekatuta dituzten substantziekin. Horren aurrean, "pedagogi-bidea erabiltzearen alde" egin du Udalak, euren ustez, "kasu hauetan eraginkorrena izaten delako". Beraz, adingabekoren bat drogak edota alkohola hartzen harrapatzen badute udaltzainek, udal bulegoetara eramaten dute eta gurasoei deitzen diete, euren bila joateko. Ondoren gutun bat bidaltzen zaie gertatutakoa azaltzeko. 2009an 38 neska-mutil identifikatu zituzten. 2008an, berriz, 19 izan ziren. Eta 2007an 30.
Leioan gertatutako delitu kopurua gutxitu egin ziren iaz, udal iturriek adierazi dutenez. Leioako Udaltzaingoak egindako atxiloketak, ordea, gehiago izan ziren, tokiko agintarien arabera. Euren hitzetan, "Udaltzaingoaren eraginkortasuna handitu egin da". Tokiko poliziak 33 pertsona atxilotu zituen 2009an, aurreko urtean atzemandako 17 lagunen aldean. Azpimarratu dutenez, horietatik hiru baino ez ziren emakumeak. Bestalde, kopuru horretatik, 19 atxiloketa alkoholemia kontrolak eragindakoak izan ziren, baimendutako tasa gainditzea egotzita. Beste hiru jabetza pribatuen kontrako lapurreta; bina ebasketa, autoritatearen kontrako atentatua eta genero biolentziaren kontrako delitua; eta bakarra sexu erasoa leporatuta. Argazkia: © Leioa.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun