Unai Brea Gonzalez Sopelan bizi den kazetari berangoztarrak CAF-Elhuyar XVI. Saria jaso zuen pasa den ostegunean Usurbilen. Elhuyarrek zabaldu duenez, Zientzia-kazetaritza arloko 2009ko lanik onena jo zuten Break "Argia" astekarian argitaratutako "Adimen artifiziala: iritsiko dira gure parera?" erreportajea. Unai Brearekin batera, Leyre Echeazarra eta Itziar Tuerosek irabazi dute saria, dibulgazio-artikulu orokorren eta doktore-tesi batean oinarritutako dibulgazio-artikuluen ataletan. Epaimahaikideek hiru ezaugarri nabarmendu zituzten Break aurkeztutako lanean: "artikuluaren erakargarritasuna, publiko orokorrari irakurterraza eta atsegina egitea, eta edukiak maila zientifiko egokia edukitzea". Kimika ikasketak dituela, besteak beste honako komunikabideetan jardun du Unai Break: "7 baietz!", "Euskaldunon Egunkaria", "UK" eta egun lan egiten duen "Argia". UKBERRI.NETen ere hainbat iritzi artikulu idatzi du. Euskadi Irratiko "Norteko Ferrokarrilla" saioari Break gaur eskainitako elkarrizketa zabala hemen entzun daiteke (mp3). Argazkia: © Argia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun