Aipatu arau-hauste larriak dakarren isuna anitza izan daiteke: txosna bat ipini edo erabiltzeko hiru urte arteko debekua, isun ekonomikoa eta bestelako "neurri osagarri batzuk" ere bildu ditzakeena.
Imanol Landa alkateak gogoratu du ordenantza proposamen hori EUDELen Batzorde Betearazlean adostu zutela, pasa den martxoaren 11ean. Halaber, herenegun, hilak 23, egin zen Bizkaiko Lurralde Batzorde Betearazlearen saioan ere eman zen ezagutzera. Izan ere, Eusko Legebiltzarrak onartutako "Terrorismoaren Biktimen Aitortza eta Ordaintza ekainaren 19ko 2008/4ko Legearen 4. artikuluan xedatutakoa adostasunean garatzeko EUDELen borondateari" erantzuten dio, Landaren arabera.
Erabaki horren bitartez, Imanol Landa alkateak adierazi du "EUDELen, non Euskadiko alderdi nagusiak agintzen dituzten udalak ordezkatuta dauden, lortutako adostasunarekin bat egiten dugula eta, hartara, Getxok Legebiltzarrean onartutako Terrorismoaren Biktimen Aitortza eta Ordaintzarako Lege horretan xedatutakoari erantzuten dio".
"Terrorismoa sostengatzen" duten txosnei instalazio lizentzia ukatzeko eskatzen zuen mozioa bertan behera utzi du PPk gaurko Getxoko Udalbatzan. Izan ere, popularrek aitortu dutenez, Udalbatza hasi baino lehen EAJren Udal Gobernuarekin adostu dute Getxo udalerrian horri buruz Eudelek kaleratutako arautegia. Aipatu arauak dagoeneko Iñaki Azkuna Bilboko alkateak bi konpartsen aurka jarritakoak baino gogorragoak dira. Zehatz-mehatz, Getxo udalerriko jaietan "pertsonen duintasunaren aurkakoak izan zein terrorismoa goratzen duten kartel edota ikurrak erabiltzea" arau-hauste "oso larritzat" joko du hemendik aurrera Udalak, "jaietako ekitaldietan bizikidetza edo normaltasuna arriskuan jarri baititzakete". Baina, Udal Gobernuarentzat terrorismoa goratzea zer den ikusi beharko da. Argazkian, Marisa Arrue (bizkarrez) Imanol Landari eskua ematen, Luis Almansa Getxoko PSE-EEko bozeramailea alboan, alkate jelkidearen kargu hartze ekitaldian / © Urtzi Altube - Ilanda.eu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun