Pasa den astean, Deustuko jaietan, Ertzaintzak Leioako hainbat gazteren aurka oldartu zela salatu du Leioako Amnistiaren Aldeko Mugimenduak. Errepresioaren aurkako mugimenduak UKBERRI.NETi adierazi dionez, martxoaren 19an, ostirala, goizeko 5:15ak aldera txosnagunetik etxera zihoazen Leioako hainbat gazteri makina bat borra-kolpe eman zieten poliziek, "inolako probokaziorik gabe eta aurretik azalpenik eman gabe, mehatxuak izan ezik". Gau horretako razzian lau atxilotu hartu zuten poliziek, tartean Itzubaltzetako emakume gazte bat. Borrak ezezik, gomazko pilotak eta debekatuta dauden borra luzagarriak erabili zituzten operazioan parte hartu zuten 30 ertzain baino gehiagok. Herrizaingo Sailaren bertsio ofizialaren arabera, "liskarra" hasi zen talde "erradikal" batek ertzainak iraintzeari ekin zionean, "zipaioak" deituz. Argazkian, gazte batek jasotako borra-kolpea / cc-by-sa-nc Leioako AAM.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun