Argenis Mesaren zuzendaritzapean ondoko aktoreak arituko dira: Veronica Diez, Ivan M.C., Azucena Molina, Izaskun Fernandez, Pilar Embid eta Patxi Ituarte. Lan horrek konpainia onenari eta zuzendaritza onenari sariak jaso ditu “Viaje al Parnaso” sarien (Argamasilla de Alba) laugarren edizioan. Periplo Teatrok 2005 urtearen bukaera aldera gorpuztu zuten, Getxoko Antzerki Eskolan. Interpretazio munduan sakonago barneratzeko ekimena jarri zuen abian ikasle talde batek. “Periplecturas” obrarekin egin zuten debuta, Javier Liñera eta Aitor Perez irakasleen zuzendaritzapean. Ondoren etorri zen Laila Ripollen “La Ciudad Sitiada”.
Argumentua
Hil. Ohiko unibertsoa zuri-beltzean, film zahar baten moduan siesta garaian. Normaltasuna. Arrunkeria. Ohikeria. Argiak, attrezzo eta jantziek atmosfera nekatu batean lagun ditugu, atmosfera lodi, urduri, deseroso, grisa. Argi zirkulu batean nabarmentzen diren amaierak, azken unearen edertasunak bakarrik garrantzia izango balu bezala.
Edo ez. Bizitza tanta bat, desberdintasun susmoa, erritmo arina, bizitzak tarteka gorri-odola koloreko begi-keinua egiten digu, gorri-bizitza, gorri-taupada. Musika suspergarria hondoan, nahasten gaituen musika, pistak ematen dizkiguna, deseroso mugiarazten gaituena, heriotza kanpaiak dakartza gogora eta behar bada, nonbait, bihotz bat taupadaka hasi da berriz ere.
Larunbat honetan, martxoak 27, Udaberri Jaia ospatuko dute Sopelan. Jarduera desberdinak antolatu dituzte egun osorako. Horrela, goizeko 11etan, haur-ludoteka, birziklapen tailerra, jokoak eta nekazaritza tailerra izango dira udaletxeko plazan. Beranduago, 13:00etan, lore-banaketa egingo da. Arratsaldez, 18:00etatik aurrera, Kurtzio Kultur Etxeko areto nagusiak “Jack, Amazoniako erregea” filma hartuko du. Gonbidapenak 16:00etatik aurrera banatuko dituzte, agortu arte. Euria egitekotan, ekintzak pilotalekuan egingo dira. Hala ere, bihar arte itxaron barik, gaur bertan, “Morir (o no)” antzezlana hartuko du Kurtzio Kultur Etxeak, 21:00etatik aurrera, Getxoko Antzerki Eskolan sortutako Periplo Teatro konpainiaren eskutik. Sarrerak 2 euro balio ditu. Argazkian, 2009ko Udaberri Jaia Sopelan / © Sopelana.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun