Itsasoko laguntzako talde bat 14:00ak aldera Getxoko Aizkorri hondartzan itsasora jauzi den 16 urteko mutil bat bilatzen ari da, hainbat hedabidek Europa Press iturritzat hartuz zabaldu dutenez. Antza, gaztea txango batean parte hartzen zegoen begirale batekin eta beste gazte batekin. Herrizaingo Sailak jakinarazi duenez, gaztea heziketa profesionaleko institutuak antolatutako txango batean zegoen eta hiru lagun uretara sartu dira. Dena den, horietako batek ez da itsas azalera atera. Mutila kostaldeko eremu batean desagertu da eta bere arrastoa 14:00ak aldera galdu dute. Gaztea bilatzeko lanek martxan jarraitzen dute eta Ertzaintzaren helikoptero bat, Guardia Zibilaren, Gurutze Gorriaren eta Itsasoko laguntzako ontziak ari dira bilaketa lanetan. Argazkian, Ertzaintzaren erreskate helikopteroa aurreko batean / © Herrizaingo Saila.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun