Urko futbol-zelaiaren zahar-berritzea sei hilabeteko epean burutuko da. Drainatze sistema berrituko da, osoki. Ur horiek estolderia sistema sarera bideratuko dira. Bestalde, ureztatze sistema automatikoa eta zelaia ereiteko era berria ezarriko dira.
Azkenik, bidegorri bat eraikiko da Barrikako udalerriarekin mugan dagoen Mendieta kaletik Olabide kalera arte. Lanen iraupena sei hilabetekoa izango da. Galtzada zabalduko da sastrakak kendu eta lurra egokitu ostean. Bidea asfaltatu eta margotuko da. Beharrezkoak diren seinaleak ere jarriko dira. Goiko linea elektrikoa kenduko da lurrazpian jartzeko eta urak berbideratuko dira.
Sopelako Udalak "obra garrantzitsu berriak" jarriko ditu abian hainbat tokitan, udaletxetik bertatik iragarri dutenez. Horretarako, Pilotalekua berritu, Urko futbol-zelaia zahar-berritu eta Mendieta eta Olabide kaleen arteko bidegorria egiteko egitasmoen eskaintza publikoa aurki egingo dute. Proiektuak "tokiko iraunkortasun eta enplegurako inbertsio funtsarekin finantzatuko" dira, hots, Espainiako Gobernuak diru-lagunduko ditu E Planaren bitartez. Udal pilotalekuari dagokionez, berritze lanaren helburua aldagelen barneko distribuzio berria egitea izango da. Horrela, emakumezkoentzako bi aldagela berri eraikiko dira, gizonezkoentzako beste bi eta bat mugikortasun urritua duten pertsonei zuzenduta. Halaber, jokoarentzako esparrua berrituko da. Gaizki dauden paretak pikatu dira lehenik eta ondoren, zarpiatu eta margotu egingo dira. Igogailua ere berrituko da. Lanaren iraupena sei hilabetekoa izango dela aurreikusten da. Argazkian, Urko polikiroldegiko barnealdea / © Sopelako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun