Getxo udalerrian, 20:30etik 21:30ak arte, Areetako Txurruka monumentuan; Negurin, udaletxean eta Santa Clara etxaldean; hala nola, udalerriko hondartzetan argiteria publikoa itzaliko da. Halaber, Udalak CO2 isurketak gutxitzeko borondatezko neurriak hartzeko hitzeman du.
Antolakuntzaren arabera, "akzio honek, Kopenhagen lortutako akordioa gutxiegia izan arren, guztiok, elkarrekin lan egiten badugu, aldaketa klimatikoaren konponketaren zati bat garela erakusteko balio izango du".
Getxoko Udalak argiteria publikoa itzaliko du, ordu batez, udalerriko leku ospetsuenetan. Horrela, gaur iluntzean, 20:30ak eta 21:30ak bitartean “Planetaren ordua 2010” izeneko ekimenarekin egingo du bat. Kanpaina hori WWFk bultzatzen du, munduan aldaketa klimatikoaren kontra dagoen mugimendu handiena, alegia. WWF "nazioarte mailan naturaren kontserbazioari dedikatuta dagoen elkarte independente handienetarikoa eta eraginkorrenetarikoa" da, Getxoko Udalaren arabera. Keltse Eiguren Ingurumen Arloko zinegotziaren ustez, gaurko ekimenak "akziorako inoiz egin den deialdi handiena izan nahi du". Izan ere, "mila miloi pertsona inplikatu eta 6.000 hiri mobilizatu nahi ditu aldaketa klimatikoaren kontrako akzioari bermea erakusteko", Eigurenek azaldu duenez. Berdeak alderdiak ere ekimenarekin bat egin du. Irudia: © WWF.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun