Azkorriko hondartzan desagertutako M.A. 16 urteko gaztea bilatzeko lanak bertan behera utzi zituzten atzo 19:40ak aldera, emaitzarik lortu gabe. Gaur, 9:00etan, bilatzeari ekin diote berriro. Atzo eguerdiko ordu bata eta erdiak inguruan gertatu zen ezbeharra. Hondartzan jolasean zebilen mutil gazte talde bat, Peñascal ikasketa zentroko ikasleak, Getxora txangoan joandakoak. Sei irakaslerekin zeuden. Hondartzan futbolean jolasean zebiltzala, pilota itsasoan galdu eta bi mutil haren bila sartu ziren uretan. Gazte bat onik atera zen itsasotik, baina besteak ezin izan zuen uretatik irten. Antza, ertzainen susmoen arabera, ur laster batek eraman zuen. Berehala jarri zituzten martxan bilaketa lanak, baina gauarekin eten egin behar izan zituzten gaur goizera arte. Argazkian, Ertzaintzaren erreskate helikopteroa aurreko batean / © Herrizaingo Saila.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun